دوای ڕێگەگرتن لە جوتیارانی کەرکووک بۆ گواستنەوەی بەروبوومەکانیان جێگری سەرۆکی پەرلەمانی عێراق ڕایگەیاند لە ئەمڕۆ شەممەوە دەتوانن بەروبوومەکانتان ببەنە شارەکە و بە مەبەستی ساخکردنەوەی.
شاخەوان عەبدوڵڵا جێگری سەرۆکی پەرلەمانی عێراق ڕایگەیاند: دوای ئەوەی لە چەند رۆژی رابردوو لەلایەن جوتیارەکانی سنووری پارێزگای کەرکووک ئاگادار کرامەوە بەوەی رێگری لە گواستنەوەی بەروبوومەکانیان بۆ کەرکووک دەکرێت، راستەوخۆ لەگەڵ لایەنی پەیوەندیدار قسەمان کرد.
ڕاشیگەیاند: لە ئەمرۆ شەممەوە دەتوانن بەروبوومەکانتان ببنە ناوشاری کەرکووک یان هەر جێگایەکی دیکە بە مەبەستی ساخکردنەوەی.
جێگری سەرۆکی ئەنجوومەنی نوێنەران ئاماژەی بەوەش دا کە تەنانەت جوتیارانی هەرێمیش دەتوانن بەروبوومەکانیان بگوازنەوە بۆ شارەکە.
کۆمێنت (0)
تا ئێستا هیچ کۆمێنتێک نەکراوە.