ئەمریكا چەكی قورس دەداتە ئۆكراینا

بە گوێرەی راگەیەنراوێكی كۆشكی سپی،دوێنێ چوارشەممە جۆبایدن ،سەرۆكی ئەمریكا رایگەیاندووە كە یارمەتی سەربازی نۆی كە خۆی لەكەل و پەلی قورس دەبینێتەوە بە بەهای 800 ملیۆن دۆلار رەوانەی ئۆكراینا دەكەن.
هاوكات فەرەنسا كەل و پەلی سەربازی بە بەهای 100 ملیۆن یۆرۆ داوەتە ئۆكراینا.
لەمیانەی پەیوەندییەكی تەلەفۆنیدا جۆبایدن،سەرۆكی ئەمریكا لەگەڵ ڤلۆدیمێر زیلینسكی،سەرۆكی ئۆكراینا رایگەیاندووە كە هاوكارییە سەربازییەكان زریپۆش و تۆپهاوێژو فڕۆكە لە خۆ دەگرێت.
واشنتن جەختی لەوەكردۆتەوە كە ئامانج لەم هاوكارییە نوێیە،بۆ پاڵپشتیكردنی ئۆكراینایە بۆ رووبەرووبوونەوەی هێرشی بەرفراوانی سوپای رووسیا لە رۆژهەڵاتی وڵاتەكە.