فەرمانگەی میدیا و زانیاری هەرێمی کوردستان ڕایگەیاند دابەشکردنی بەنزین بە نرخی 690 دینار بەسەر هاووڵاتییان بەردەوامە، هەروەها داتای ئەو بڕانەی ئاشکرا کردووە کە بەسەر پارێزگاکان دابەش کراون.
فەرمانگەی میدیا و زانیاری هەرێمی کوردستان لە ڕاگەیەنراوێکدا نووسیویەتی "لە دوای رێکەوتنی نێوان حکوومەتی هەرێمی کوردستان و حکوومەتی فیدراڵی بۆ ناردنی بەنزین بۆ هەرێمی کوردستان و دابەشکردنی بەسەر هاووڵاتییان بە نرخی 690 دینار لە رێکەوتی 28ی ئابی 2021 تاوەکو 6ی نیسانی 2022 بڕی 117 ملیۆن و 974 هەزار و 529 لیتر بەنزین بۆ هەرێمی کوردستان نێردراوە."
هەروەها ئاماژەی بەوەش داوە کە دوای ئەوە بەمشێوەیەی خوارەوە بەسەر پارێزگاکانی هەرێمی کوردستان دابەش کراوە:
- پارێزگای سلێمانی و ھەڵەبجە: 50 ملیۆن و 404 هەزار و 375 لیتر
- پارێزگای ھەولێر:41 ملیۆن و 721 هەزار و 407 لیتر
- پارێزگای دھۆک: 25 ملیۆن و 848 هەزار و 747 لیتر
کۆمێنت (0)
تا ئێستا هیچ کۆمێنتێک نەکراوە.