پۆلیسی هه‌ولێر: شەش کەس بەتۆمەتی خواردنەوەی مەی لە مانگی رەمەزان دەستگیرکران

پۆلیسی هەولێر رایگەیاند، شەش تۆمەتبار دەستگیرکران کە لە پارکێکی گشتیدا خواردنەوەی کحولییان خواردووەتەوە.

 له‌ راگه‌یاندراوێكدا، به‌رێوه‌به‌رایه‌تی پۆلیسی هه‌ولێر بڵاویكرده‌وه‌، شەش تۆمەتباریان بەناوەکانی (ڕ. م. م.) و (ک. ج. ع.) و (ف. م. م.) و (ک. ک. ح.) و (هـ. ع. ڕ.) و (ف. ع. ع.) دەستگیر کرد بەتۆمەتی خواردنەوەی ماددە کحولیەکان لە پارکی ئەڤین لە گەڕەکی هەڤاڵان لە مانگی ڕەمەزانی پیرۆز.

 پۆلیسی هه‌ولێر ئاماژه‌ به‌وه‌شده‌كات، کە دەست بەسەر ئۆتۆمبێلێکیش لە جۆری (شۆفرلێت ئۆپتڕا) و ماددە کحولییەکان دا گیراوه‌ و ڕادەستی بنکەی پۆلیسی سەروەران کراوه‌ بەمەبەستی ڕێکخستنی پەڕاوی لێکۆڵینەوە و ڕەوانەی دادگا بکرێن.