سەرچاوەیەكی ئەمنی ئەمڕۆ سێشەممە 19-4-2022رایگەیاند: هێزە ئەمنییەكان لەسەرجەم پارێزگاكانی عێراق بۆ ماوەی سێ رۆژ دەخرێنەوە ئەوپەڕی ئامادەباشییەوە.
سەرچاوەكە بەمیدیای عێراقی راگەیاندووە كە ئامادەباشی تەواوی هێزە ئەمنییەكان بۆ ماوەی 72 كاتژمێر لەسەرجەم پارێزگاكانی عێراق دەبێت و ئامانج لێی پووچەڵكردنەوەی سەرجەم پلانە تیرۆریستییەكانە.
سەرچاوەكە گوتیشی: راسپاردەكان لەلایەن بەرپرسانی باڵای ئەمنی وڵات بە هێزە ئەمنییەكانەوە گەیشتووە.
لەناوچەكانی بەغدای پایتەخت و هەندێك پارێزگای دیكە لەمانگی رەمەزان و بەر لە جەژنی رەمەزان رەوشی ئەمنی بۆ رێگەگرتن لە هەر هێرشێكی تیرۆریستی لەوناوچانە توندوتۆڵ تر دەكرێت.
هاوكات ئەحمەد سەلیم، فەرماندەی ئۆپەراسیۆنەكانی بەغدا رەتیكردەوە كە هێزە ئەمنییەكان خرابنە ئەوپەڕی ئامادەباشییەوەو گوتی: تەنها ئەوەی هەیە هێزە ئەمنییەكان بە واجیباتی خۆیان هەڵدەستن.
کۆمێنت (0)
تا ئێستا هیچ کۆمێنتێک نەکراوە.