یاریدەدەری وەزیری دەرەوەی ئەمریکا بۆ کاروباری عێراق و ئێران ڕایگەیاند، یارمەتی پێشمەرگە دەدەین بۆ دابینکردنی سیستەمی بەرگری مووشەکی.
جێنیفەر گاڤیتۆ یاریدەدەری وەزیری دەرەوەی ئەمریکا بۆ کاروباری عێراق و ئێران بە (کوردستان تیڤی) ڕاگەیاند: باشترین پەیوەندیمان لەگەڵ هەرێمی کوردستان هەیە، لە هەموو ئاستەکاندا پەرە بەم پەیوەندییانەمان دەدەین.
ڕاشیگەیاند: یارمەتی پێشمەرگە دەدەین تاوەکوو سیستەمی بەرگری موشەكی هەبێت.
ئاماژەی بەوەش دا کە لە دوایین سەردانی بۆ هەرێمی کوردستان لە 30 ئەیلوولی 2021، لەگەڵ سەرۆک بارزانی و نێچیرڤان بارزانی سەرۆکی هەرێمی کوردستان و مەسرور بارزانی سەرۆکی حکوومەت پرسی یەکڕیزی کورد و پەرەپپێدانی کەرتی گاز و وزەیان تاوتوێ کردووە.
کۆمێنت (0)
تا ئێستا هیچ کۆمێنتێک نەکراوە.