له‌ لالیگادا رایۆ ڤالیكانۆ سه‌ركه‌وتنی به‌سه‌ر بارسێلۆنا تۆماركرد

لەیاریەكی دواخراوی گەری بیست و یەكی خولی ئیسپانیا، یانەی بارسێلۆنا لەسەر یاریگای كامپ نۆ بەگۆلێكی بێ بەرامبەر بەیانەی رایۆ ڤالیكانۆی میوانی دۆرا.
 لەسەرەتای یاریەكەو لەخولەكی حەوتەم، ئەلڤارۆ گارسیا گۆلی پێشكەوتنی بۆ تیپی میوان تۆماركرد، دوابەدوای گۆلە بەدرێژایی ماوەی یاریەكە یاریزانانی بارسێلۆنا بەردەوامبوون لەهێرشەكانیان بۆ سەر گۆلی تیپی میوان، بەڵام هێلی بەرگری و گۆلپارێزی رایۆ ڤالیكانۆ خۆراگربوون لەبەردەم هێرشەكانی بارسێلۆنا.
 بەم جۆرە یاریەكە بەگۆلێكی بێ بەرامبەر لەبەرژەوەندی رایۆ ڤالیكانۆی میوان تەواو بوو، بەم ئەنجامە كۆی خاڵەكان بارسێلۆنا بەشەست و سێ خاڵ له‌خانه‌ی سێیه‌م ماوه‌ و بەجیاوازی گۆڵ له‌پێش سڤییا دێت كه‌ به‌هه‌مان شێوه‌ شه‌ست و سێ خالی هه‌یه‌ و له‌خانه‌ی سێیه‌مه‌، هه‌روه‌ها جیاوازی خاڵه‌كانیان له‌گه‌ڵ ریاڵ مه‌دریدی پێشه‌نگی ریزبه‌ندی بووه‌ پانزه‌ خاڵ.