چێلسی به‌سه‌ركه‌وتنی به‌سه‌ر وێستهام پارێزگاری له‌خانه‌ی سێیه‌می ریزبه‌ندی پریمه‌رلیگدا كرد

له‌گه‌ری سی و چواری خولی ئینگلیزی، یانه‌ی چێلسی له‌سه‌ر یاریگای ستامفۆرد بریدج میوانداری یانه‌ی وێستهام یونایتدی كرد، یاریه‌كه‌ به‌گۆلێكی بێ به‌رامبه‌ر له‌به‌رژه‌وه‌ندی شین پۆشه‌كانی له‌نده‌ن بوو، به‌مه‌ش چێلسی پارێزگاری له‌خانه‌ی سێیه‌می ریزبه‌ندی كرد.
به‌درێژایی گێمی یه‌كه‌می یاریه‌كه‌ یاریزانانی هه‌ردوو تیپ چه‌ندین گوشاریان برده‌ سه‌ر گۆلی یه‌كتر، به‌ڵام ئه‌م گێمه‌ به‌یه‌كسان بوون به‌بێ گۆڵ ته‌واو بوو.
 له‌گێمی دووه‌م ئاستی یاریه‌كه‌ هاوسه‌نگ بوو، دواجار له‌كۆتا خوله‌كی یاریه‌كه‌ به‌ر له‌فیكه‌ی كۆتایی كریستین بۆلیسیچ توانی تاكه‌ گۆڵی یاریه‌كه‌ تۆمار بكات.
به‌م جۆره‌ چێلسی به‌گۆلێكی بێ به‌رامبه‌ر براوه‌ی یاریه‌كه‌ بوو، به‌م بردنه‌وه‌یه‌ كۆی خاله‌كانی ئه‌و تیپه‌ بووه‌ شه‌ست و پێنج خاڵ و هه‌ر له‌خانه‌ی سێیه‌می پریمه‌رلیگ دێت.