وەزیری دەرەوەی ئۆكراینا دەڵێت:رووسیا بێ هیوابووەو دەیەوێ جیهان لە پاڵپشتی كردنی ئۆكراینا بترسێنێ،بۆیە باس لە مەترسی راستەقینەی جەنگی جیهانی سێیەم دەكات.
دمیترۆ كۆلیبا،وەزیری دەرەوەی ئۆكراینا ئەمڕۆ سێشەممە 26-4-2022 وەڵامی سێرگی لافرۆڤ-ی وەزیری دەرەوەی رووسیا-ی دایەوە كە هۆشداری لە هەڵگیرسانی جەنگی جیهانی سێیەم دابوو.
كولیبا لە هەژماری تایبەتی خۆی لە تۆڕی كۆمەڵایەتی تویتەر دەڵێ: رووسیا بێ هیوابووەو دەیەوێ جیهان لە پاڵپشتی كردنی ئۆكراینا بترسێنێ،بۆیە باس لە مەترسی راستەقینەی جەنگی جیهانی سێیەم دەكات.
هەروەها گوتیشی: ئەمە ئەوە دەگەێنی كە مۆسكۆ هەست بە دۆڕانی خۆی لە ئۆكراینا دەكات،بۆیە لەسەر جیهان پێویستە پاڵپشتییەكانیان بۆ ئۆكراینا زیاد بكەن، تا سەركەوتن بەدەست بهێنین و ئاسایشی ئەوروپی و جیهانی بپارێزین.
سێرگی لافرۆڤ، وەزیری دەرەوەی رووسیا-پێشتر لەبارەی سەرهەڵدانی جەنگی سێیەمی جیهان هۆشداریی دابوو و گوتبووی: جەنگی سێیەمی جیهانی جەنگی ئەتۆمی دەبێت.
وەزیری دەرەوەی ئۆكراینا: رووسیا بێ هیوا بووە
باس لە مەترسی راستەقینەی جەنگی جیهانی سێیەم دەكات
100%
کۆمێنت (0)
تا ئێستا هیچ کۆمێنتێک نەکراوە.