واشنتن: بەئامانج گرتنی هەولێر دەست درێژیكردنە بۆ سەر سەروەری عێراق

ویلایەتەیەكگرتووەكانی ئەمریكا هێرشەكەی شەوی رابردوویی سەر پاڵاوتگەی كەورگۆسكی لەشاری هەولێر سەركۆنە كرد.
باڵیۆزخانەی  ئەمریكا لە بەغدا لە راگەیەنراوێكدا كە ئەمڕۆ دووشەممە بڵاویكردۆتەوە رایگەیاند: ئەو هێرشانەی عێراق كە كەرتی ووزەی گرتۆتەوە دەست درێژیكردنە بۆ سەر سەروەری عێراق و زیان لە هاووڵاتیانی عێراقی دەدات.
هەر لە راگەیەنراوەكەدا هاتووە كە ویلایەتەیەكگرتووەكانی ئەمریكا لەگەڵ گەلی عێراق دەوەستێ و لەكاركردن بۆ دەستەبەكردنی ئاسایش و ئارامی و سەروەری عێراقدا بەردەوام دەبێت.
 شەوی رابردوو شەش مووشەك ئاراستەی سنووری قەزای خەبات كران و ئەمڕۆش نێچیرڤان بارزانی،سەرۆكی هەرێمی كوردستان داوای لە لایەنە پەیوەندارەكانی حكوومەتی فیدراڵیی عێراق كرد ئەنجامدەرانی هێرشەكە بدۆزێتەوە و بە سزای یاسایی بگەیەنرێن.