سەرۆکی حکوومەتی هەرێمی کوردستان ئەمڕۆ دووشەممە پەیامێکی لەبارەی هێرشە مووشەکییەکەی شەوی ڕابردوو بۆ سەر قەزای خەبات بڵاوکردەوە و ڕایگەیاند، چیتر نابێت ئەم هێرشانە بەردەوام بن.
مەسرور بارزانی سەرۆکی حکوومەتی هەرێمی کوردستان لە پەیامەکەیدا ڕایگەیاند:ھێرشی مووشەکییەکەی دوێنێ شەو بۆ سەر سنووری قەزای خەبات، بە توندترین شێوە شەرمەزار و سەرکۆنە دەکەم .
لە پەیامەکەیدا داوا لە مستەفا کازمی سەرۆک وەزیرانی عێراقیش دەکات ڕێکاری پێویست بۆ سزادانی ئەو گرووپانە بگیرێتەبەر وەک نووسیویەتی "داوا لە سەرۆک وەزیرانی فیدراڵ دەکەم، ھەنگاوی پێویست و کردەیی بنێ بۆ سزادانی گرووپە تێکدەرە لەیاسادەرچووەکان و پێکهێنانی لیژنەیەکی هاوبەش، بۆ گرتنەبەری ڕێکاری پێویست بۆ کۆنترۆڵکردنی ئەو ناوچانەی بوونەتە هەڕەشە بۆ سەر سەقامگیری و ئاسایشی ھەرێمی کوردستان و عێراق."
جەختیشی کردۆتەوە کە "ئەم هێرشانە چیتر نابێت بەردەوام بن و پێویستە هەڵوێستی جدی ھەبێت و ڕێکاری کردەیی بگیرێتەبەر بۆ کۆتاییھێنان بەم دەستدرێژیانە."
کۆمێنت (0)
تا ئێستا هیچ کۆمێنتێک نەکراوە.