له هه‌فته‌ی سیی و پێنجه‌می خولی یانه‌كانی ئینگلته‌را، یانه‌ی مانچسته‌ریونایتد میوانداری یانه‌ی برێنتفۆردی كرد، له‌ئه‌نجامدا، یاریه‌كه به سێ گۆڵی بێ به‌رامبه‌ر له به‌رژه‌وه‌ندی مانچسته‌ریونایتد ته‌واو بوو.
له گێمی یه‌كه‌م و له‌خوله‌كی نۆ یاریزان برۆنۆ فێرناندیز ده‌ستپێشخه‌ری كرد و گۆڵی یه‌كه‌می یانه‌ی مانچسته‌ر یونایتدی به‌ده‌ست هێنا و گێمی یه‌كه‌میش به‌م تاكه گۆڵه ته‌واو بوو .
له گێمی دووه‌م و له خوله‌كی شه‌ستوو یه‌ك كریستیانۆ ڕۆناڵدۆ به سوود وه‌رگرتن له لێدانێكی سزا دووه‌م گۆڵی یانه‌كه‌ی به‌ده‌ست هێنا ، هێرشه‌كانی مانچسته‌ر یونایتد به‌رده‌وام بوو و له خوله‌كی حه‌فتاو یه‌ك رافایل ڤاران گۆڵی سێییه‌م و كۆتایی یانه‌ی مانچسته‌ر یونایتدی به‌ده‌ست هێنا ، به‌م بردنه‌وه‌یه‌ی مانچسته‌ر یونایتد په‌نجاو هه‌شت خاڵی هه‌یه و له خانه‌ی شه‌شه‌می ڕیزبه‌ندی دێت.
له پریمه‌رلیگدا مانچسته‌ر یونایتد سه‌ركه‌وتنی به‌سه‌ر برێنتفۆرد تۆماركرد
100%
کۆمێنت (0)
تا ئێستا هیچ کۆمێنتێک نەکراوە.