له خولی یانه‌كانی ئیتاڵیاو له هه‌فته‌ی سیی و پێنجه‌می خوله‌كه‌دا، یانه‌ی ئه‌تالانتا میوانداری یانه‌ی سالێرنیتانای كرد، له‌ئه‌نجامدا، هه‌ردوو یانه به گۆڵێك بۆ هه‌ریه‌كه‌یان یه‌كسان بوون.
یاریزانانی هه‌ردوو تیپ هه‌ر له سه‌ره‌تاوه چه‌ند هێرشێكیان كرده سه‌ر گۆڵی یه‌كتر، تا له خوله‌كی بیستوحه‌وتدا، ئێدێرسۆنی به‌ڕازیلی گۆڵێكی بۆ سالێرنیتانا تۆماركردو میوانه‌كانی له گێمی یه‌كه‌م به گۆڵێك پێشخست، له گێمی دووه‌میش یاریزانانی ئه‌تالانتا هه‌وڵی یه‌كسان كردنه‌وه‌ی ئه‌نجامی یاریاندا، له ئاكامی ئه‌م هه‌وڵانه‌و له خوله‌كی هه‌شتاوهه‌شتدا، ناوه‌ڕاستكاری كڕواتی، ماریۆ پاسالیچ گۆڵی به‌رامبه‌ری تیپی میوانداری به‌ده‌ستهێناو ئه‌نجامه‌كه‌ی یه‌كسان كرده‌وه.
به‌م ئه‌نجامه‌ش كۆی خاڵه‌كانی ئه‌تالانتا له پله‌ی هه‌شته‌می ڕیزبه‌ندی یانه‌كان بۆ په‌نجاوشه‌ش خاڵ به‌رزبووه‌وه‌و سالێرنیتاناش به بیستوشه‌ش خاڵ له پله‌ی هه‌ژده‌می ڕیزبه‌ندی دێت.
له خولی ئیتاڵیادا ئه‌تالانتا و سالێرنیتانا یه‌كسانبوون
100%
کۆمێنت (0)
تا ئێستا هیچ کۆمێنتێک نەکراوە.