ئۆکراینا نوێترین زانیاری لە بارەی زەرەر و زیانەکانی سوپای رووسیا بڵاوکردەوە.
سەرۆکایەتی ئەرکانی سوپای ئۆکراینا ئاشکرای کرد کە 24 هەزار و 200 سەربازی سوپای رووسیا کوژراون و لە دەستپێکی جەنگەوە تا ئەمڕۆ رووسیا 194 فڕۆکەی جەنگی، 155 کۆپتەر و هەزار و 62 تانکی لەدەستداوە.
سەرۆکایەتی ئەرکانی سوپای ئۆکراینا، نوێترین زانیاری لە بارەی زەرەر و زیانەکانی سوپای رووسیا لە 24ی شوبات-سێی ئایار، خستەڕوو و کوژرانی 400 سەربازی دیکەی سوپای رووسیای لە ماوەی 24 کاتژمێری رابردوودا راگەیاند.
بەگوێرەی زانیارییەکان، 24 هەزار و 200 سەربازی سوپای رووسیا کوژراون، هەروەها 194 فڕۆکەی جەنگی، 155 کۆپتەر، هەزار و 62 تانک، دوو هەزار و 567 ئۆتۆمبێلی زرێپۆش، 475 تۆپهاوێژ، 162 موشەکهاوێژ و 80 سیتسمی بەرگری ئاسمانی رووسی، تێکشکێندراون.
لە لایەکی دیکەشەوە رووسیا، هەزار و 843 ئۆتۆمبێلی سەربازی، 291 فڕۆکەی بێفڕۆکەوان و 10 کەشتی و یەختی خێرایی مامناوەندی لەدەستداوە.
ئەوە لەکاتێكدایە کە وەزارەتی بەرگریی رووسیا پێشتر لە راگەیەندراوێکدا لە25ی ئادار بڵاوی کردبووەوە کە تاکوو ئێستا هەزار و 351 سەربازی سوپای رووسیا لە ئۆکراینا کوژراون.
کۆمێنت (0)
تا ئێستا هیچ کۆمێنتێک نەکراوە.