بەڕێوەبەری کۆچ و کۆچبەرانی و وەڵامدانەوەی قەیرانەکان لە پارێزگای دهۆک ڕایگەیاند، ژمارەی ئاوارەبوونی دووبارەی خەڵکی شنگال تاوەکو ئەمڕۆ پێنجشهممه گەیشتووەتە هەزار و 711 خێزان کە دەبنە 10هەزار و 261 کەس و ئەو ژمارەیەش هەر بەرەو زیادبوون دەچێت.
پیر دهیان جهعفهر بەڕێوەبەری کۆچ و کۆچبەرانی و وەڵامدانەوەی قەیرانەکان لە پارێزگای دهۆک لە لێدوانێکی تایبەتدا بە (کوردستان تیڤی) ڕاگەیاند: لە ماوەی سێ ڕۆژدا هەزار و 711 خێزان کە دەبنە 10هەزار و 261 کەس دووبارە لە شنگال ئاوارە بوون و ئەو ژمارەیەش هەر بەرەو زیادبوون دەچێت و بەشی زۆری ئەو خێزانە ئاوارانە جارێکی دیکە چوونەوە ناو کەمپی ئاوارەکان لە سنووری پارێزگای دهۆک و بەشێکیشیان چوونەتە ناو کەسوکاری خۆیان لە دەرەوەی کەمپەکان.
هەروەها جەختیشی کردەوە کە دەزگای خێرخوازیی بارزانی و ئیدارەی پارێزگای دهۆک بەردەوام پشتیوانی ئاوارەکانن و هەموو پێداویستییەکانیان بۆ دابین دەکەن
بەڕێوەبەری کۆچ و کۆچبەران ئاماژەی بەوەش دا پێشبینی دەکرێت ڕێژەیەکی زیاتری خەڵکی شنگال ئاوارە بن، چونکە ڕەوشی خەڵک لەناو شنگالدا زۆر خراپە و لە ڕووی ناچارییەوە خەڵکی شنگال دەست لە ماڵ و موڵکی خۆیان هەڵدەگرن و ڕوو لە پارێزگای دهۆک دەکەن.
کۆمێنت (0)
تا ئێستا هیچ کۆمێنتێک نەکراوە.