له هه‌فته‌ی سیی و پێنجه‌می خولی ئیسپانیاو له یاری لوتكه‌و دێربی مه‌درید، كاتژمێر ده‌ی ئه‌مشه‌و به‌كاتی هه‌ولێر، یانه‌ی ئه‌تله‌تیكۆ مه‌درید میوانداری یانه‌ی ڕیال مه‌دریدی میوان و هاوشاریه‌كه‌ی و پاڵه‌وانی ئه‌م وه‌رزه‌ی لالیگا ده‌كات.
له گه‌ڕی پێشووی خولی ئیسپانیا، یانه‌ی شاهانه به بردنه‌وه‌ی له یانه‌ی ئیسپانیۆلی میوانی به چوار گۆڵی بێ به‌رامبه‌ر نازناوی خوله‌كه‌ی بۆ سیی و پێنجه‌مین جار له مێژووی خۆی مسۆگه‌ركرد، دواتر ڕیال به بردنه‌وه‌ی له یانه‌ی مانچسته‌رسیتی میوانی گه‌یشته یاری كۆتایی چامپیۆنس لیگ، كارلۆ ئه‌نچیلۆتی ئیتاڵی و ڕاهینه‌ری ڕیال پێكهاته‌ی گشتی تیپه‌كه‌ی بۆ یاری به‌رامبه‌ر ئه‌تله‌تیكۆ ڕاگه‌یاندو هه‌ریه‌ك له داڤید ئالاباو مارسێلۆ داسیلڤاو دانی سیبایۆس و ئیسكۆ ئه‌لاركۆن و گاریس بێیل و ئیدین هازارد به‌هۆكاری جیا له ڕیزی ڕیال دابڕاون و به‌شداری له یاریه‌كه ناكه‌ن.
له‌و لاشه‌وه ئه‌تله‌تیكۆ مه‌درید به كۆكردنه‌وه‌ی شه‌ست و یه‌ك خاڵ له پله‌ی چواره‌می ڕیزبه‌ند دایه‌و ده‌جه‌نگێت بۆ به‌ده‌ستهێنانی یه‌كێك له بلیته‌كانی شیاندن بۆ وه‌رزی داهاتووی چامپیۆنس لیگ، هه‌رسێ یاریزان جواو فێلیكس و تۆماس لێمارو ماریۆ ئیرمۆسۆ به هۆكاری جیا له ڕیزی ڕۆخی بلانكۆس داده‌بڕێن و به‌شداری له یاری دێربی ناكه‌ن.
ئه‌مشه‌و دێربی مه‌درید به‌ڕێوه‌ده‌چێت
100%
کۆمێنت (0)
تا ئێستا هیچ کۆمێنتێک نەکراوە.