له یاری لوتكه‌ی هه‌فته‌ی سیی و شه‌شه‌می خولی ئینگلته‌را، یانه‌ی لیڤه‌رپول میوانداری یانه‌ی تۆتنهامی كردو یاریه‌كه‌ش له یاریگای ئانفیڵد له شاری لیڤه‌رپول به‌ڕێوه‌چوو، له‌ئه‌نجامدا، هه‌ردوو یانه به گۆڵێك بۆ هه‌ریه‌كه‌یان یه‌كسان بوون.
سه‌ره‌ڕای ئه‌وه‌ی یاریزانانی هه‌ردوو یانه له گێمی یه‌كه‌م چه‌ندین هێرشیان كرده سه‌ر گۆڵی یه‌كتر، به‌ڵام ئه‌م گێمه بێ گۆڵ ته‌واوبوو.
له گێمی دووه‌م و له خوله‌كی په‌نجاوشه‌شدا، هێرشبه‌ری كۆری، هیونگ مین سۆن ده‌رفه‌تێكی قۆسته‌وه‌و گۆڵێكی بۆ تۆتنهام تۆماركردو میوانه‌كانی پێشخست، پاشان یاریزانانی لیڤه‌رپول هه‌وڵی یه‌كسان كردنه‌وه‌ی ئه‌نجامی یاریانداو كۆمه‌ڵێ هێرشیان كرده سه‌ر گۆڵی تیپه له‌نده‌نیه‌كه، تا له خوله‌كی حه‌فتاوچواردا، لویس دیازی كۆلۆمبی گۆڵی به‌رامبه‌ری ڕێدزی به‌ده‌ستهێناو ئه‌نجامی ڕووبه‌ڕوو بوونه‌وه‌كه‌ی یه‌كسان كرده‌وه.
به‌م ئه‌نجامه‌ش لیڤه‌رپول به شێوه‌ی كاتی هاته پێشه‌نگی ڕیزبه‌ندی یانه‌كان و كۆی خاڵه‌كانی گه‌یانده هه‌شتاوسێ خاڵ، تۆتنهامیش به شه‌ستودوو خاڵ له پله‌ی پێنجه‌می ڕیزبه‌ندی مایه‌وه .
له‌پریمه‌رلیگدا لیڤه‌رپول و تۆتنهام یه‌كسانبوون
100%
کۆمێنت (0)
تا ئێستا هیچ کۆمێنتێک نەکراوە.