له هه‌فته‌ی سیی و شه‌شه‌می خولی ئینگلته‌راو له ئه‌نجامێكی چاوه‌ڕوان نه‌كراودا، یانه‌ی مانچسته‌ریونایتد دووچاری دۆڕانێكی سه‌خت هات و به چوار گۆڵی بێ به‌رامبه‌ر به یانه‌ی برایتۆنی میوانداری دۆڕا.
یاریه‌كه له یاریگای فالمێر له شاری برایتۆن به‌ڕێوه‌چوو، یاریزانانی برایتۆن هه‌رزوو ده‌ستپێشخه‌ریان كردو له خوله‌كی پازده‌دا، ناوه‌ڕاستكاری ئیكوادۆری، مۆیسێس كایسێدۆ گۆڵێكی بۆ تیپی میواندار تۆماركردو گێمی یه‌كه‌م به‌م ئه‌نجامه ته‌واوبوو.
له گێمی دووه‌م و له خوله‌كی چلونۆدا، به‌رگریكاری ئیسپانی، مارك كوكورێلا گۆڵی دووه‌می برایتۆنی به‌ده‌ستهێنا، دواتر پاسكال گرۆسی ئه‌ڵمانی میوانداره‌كانی له خوله‌كی په‌نجاوحه‌وت كرده خاوه‌نی گۆڵی سێیه‌م، دوای سێ خوله‌كی دیكه‌ش، هێرشبه‌ری به‌لجیكی، لیۆناردۆ ترۆسارد ده‌رفه‌تێكی قۆسته‌وه‌و گۆڵی چواره‌می برایتۆنی تۆماركرد، به‌م ئه‌نجامه‌ش برایتۆن دووه‌م یاری له‌سه‌ریه‌ك و یازده‌مین یاری له‌م وه‌رزه‌ی پرێمه‌رلیگ برده‌وه‌و كۆی خاڵه‌كانی له پله‌ی نۆیه‌می ڕیزبه‌ندی یانه‌كان گه‌یانده چل وحه‌وت خاڵ، مانچسته‌ریونایتدیش یازده‌مین یاری له‌م وه‌رزه‌ی خوله‌كه دۆڕاندو به په‌نجاوهه‌شت خاڵ له پله‌ی شه‌شه‌می ڕیزبه‌ندی دێت.
له‌پریمه‌رلیگدا مانچسته‌ر يونايتد دووچاری دۆڕانێكی سه‌خت هات
100%
کۆمێنت (0)
تا ئێستا هیچ کۆمێنتێک نەکراوە.