ئهمڕۆ دووشهممه 2022/5/9 نێچیرڤان بارزانى، سهرۆكى ههرێمى كوردستان، پێشوازى له فیلیب ڤاندین بولك، باڵیۆزى بهلژیكا له ئوردن و عێراق كرد.
له كۆبوونهوهیهكدا برهودان به پهیوهندییهكانى عێراق و ههرێمى كورستان لهگهڵ بهلژیكا، ڕۆڵى بهلژیكا له چوارچێوهى هاوپهیمانیى نێودهوڵهتیى دژى داعشدا، دوا پهرهسهندنهكانى پرۆسهى سیاسیى عێراق و پهیوهندییهكانى ههولێر ـ بهغدا، تاوتوێ كران.
ههردوولا جهختیان له برهودان پهیوهندییهكان و فراوانكردنى بوارهكانى هاریكاریى هاوبهش كردهوه و هاوڕا بوون كه داعش هێشتا مهترسییهكى ڕاستهقینهیه و ههڕهشه له ئاسایشى عێراق و ناوچهكه دهكات، بۆ ئهوهش عێراق پێویستى به بهردهوامیى پشتگیریى نێودهوڵهتى ههیه.
باڵیۆزى بهلژیكا سوپاس و پێزانینى وڵاتهكهى بۆ ڕۆڵى ههرێمى كوردستان له بهرهنگاربوونهوهى داعش و قوربانییهكانى پێشمهرگه دهربرى و دووپاتی کردهوه که وڵاتهکهی وهک هاوبهشێکى پابهند به پشتگیریی عیراق و ههرێمی کوردستان دهمێنێتهوه.
لای خۆیهوه نێچیرڤان بارزانی وێڕای دهربڕینی سوپاس و پێزانینی ههرێمى كوردستانى بۆ پشتگیرى و هاوكارییهكانى بهلژیكا له شهڕى دژى تیرۆردا، جهختی له پێویستیی هاریکاری و ههماههنگیی نێوان سوپای عیراق و پێشمهرگه کردوه بهتایبهتی لهو ناوچانهی بۆشاییی ئهمنییان ههیه.
دۆخی شهنگال و ئاوارهبوونهوهی خهڵکی ناوچهکه له ئهنجامى پێشهاته ئهمنییهكان، ئهرک و کارهکانی یوونیتاد له عێراق، دۆخی ناوخۆی ههرێمی کوردستان و گرنگیی گفتوگۆ بۆ لێکگهیشتن، پرسی ئازادییهکان و ئازادیی ڕادهربڕین، پهتای کۆڤید_19 و کاریگهرییهکانی، دوا پێشهاتهكانى شهڕ و پێكدادان له ئۆكراینا و لێکهوتهکانی، دۆخى ناوچهكه بهگشتى، تهحهدییهکانی ئهمڕۆی جیهان، چهند تهوهرێكى دیكهى كۆبوونهوهكه بوون.
کۆمێنت (0)
تا ئێستا هیچ کۆمێنتێک نەکراوە.