له هه‌فته‌ی سیی و شه‌شه‌می خولی ئیسپانیا، كاتژمێر 10:30ی خوله‌كی ئه‌مشه‌و به‌كاتی هه‌ولێر، یانه‌ی بارسێلۆنا میوانداری یانه‌ی سێلتاڤیگۆ ده‌كات، ئه‌م یاریه له كاتێكدایه كه بارسێلۆنا گه‌یشتنی بۆ ململانێكانی وه‌رزی داهاتووی چامپیۆنس لیگ مسۆگه‌ركردووه‌و هه‌نگاوی داهاتووی پارێزگاریكردن له پله‌ی دووه‌می ڕیزبه‌ندو به‌ده‌ستهێنانی یه‌كێك له بلیه‌كانی جامی سوپه‌ری ئیسپانیا ده‌بێت.
یاریزانانی بارسا به سه‌رپه‌رشتی چاڤی هێرناندیزی ڕاهێنه‌ره‌كه‌یان دوایین یه‌كه‌ی مه‌شق و ئاماده‌كاریان بۆ خۆئاماده‌كردن بۆ ڕووبه‌ڕوو بوونه‌وه‌ی سێلتاڤیگۆ سازكردو مارك ئه‌ندرێ تیرشتیگنی ئه‌ڵمانی و گۆڵپارێزی بلاوگڕانا دوای چاك بوونه‌وه‌ی پێكانی گه‌ڕایه‌وه مه‌شقه‌كانی تیپه‌كه‌ی و بۆ یاریكردن ئاماده‌یه، هاوكات هه‌ریه‌ك له جیرارد پیكێ و سێرجینۆ دێست و نیكۆ گۆنزالێس به‌هۆی پێكان و سێرجیۆ بۆسكێتس به‌هۆی ڕاگرتن له ڕیزی تیپه كاتالۆنیه‌كه دابڕاون و به‌شداری له یاریه‌كه ناكه‌ن.
بارسێلۆنا به كۆكردنه‌وه‌ی شه‌ست و نۆ خاڵ له پله‌ی دووه‌می ڕیزبه‌ندی یانه‌كان دایه‌و به جیاوازی دوازده خاڵ له دوای ڕیال مه‌دریدی پاڵه‌وانی ئه‌م وه‌رزه‌ی لالیگا دێت، سێلتاڤیگۆش به چلوسێ خاڵ له پله‌ی یازده‌می ڕیزبه‌ند دایه.
له هه‌فته‌ی 36ی خولی ئیسپانیا ئه‌مشه‌و بارسێلۆنا میوانداری سێلتاڤیگۆ ده‌كات
100%
کۆمێنت (0)
تا ئێستا هیچ کۆمێنتێک نەکراوە.