سه‌رچاوه ڕۆژنامه‌وانیه‌كانی به‌ریتانیا ئاشكرایانكرد كه یانه‌ی مانچسته‌رسیتی له واژووكردنی گرێبه‌ست له‌گه‌ڵ ئێرلینگ هالاندی نۆروێژی و ئه‌ستێره‌ی لاوی یانه‌ی بروسیا دۆرتمۆند نزیك بۆته‌وه‌و چاوه‌ڕوان ده‌كرێت له مێركاتۆی هاوینه‌ی داهاتوودا.
یاریزانه‌كه به‌فه‌رمی په‌یوه‌ندی به سیتیزێنز بكات، هاوكات چه‌ند سه‌رچاوه‌یه‌كی میدیایی بڵاویانكرده‌وه كه هالاند قۆناغی یه‌كه‌می پشكنینی پزیشكی به‌سه‌رپه‌رشتی تیمی ته‌ندروستی یانه‌ی مانچسته‌رسیتی له وڵاتی به‌لجیكا ئه‌نجامداوه، ئه‌ویش وه‌ك هه‌نگاوی یه‌كه‌می ئه‌م هێرشبه‌ره بۆ په‌یوه‌ندیكردنی به یانه‌كه.
لای خۆشیه‌وه ڕۆژنامه‌ی زه سه‌نی بریتانی بڵاویكرده‌وه كه ئیداره‌ی مان سیتی و هالاند له‌سه‌ر ته‌واوی ورده‌كاریه‌كانی گرێبه‌ستی نێوانیان ڕێككه‌وتوونه‌و پێده‌چێت به‌م نزیكانه مان سیتی به‌فه‌رمی گرێبه‌سته‌كه ڕابگه‌یه‌نێت، گرێبه‌ستی ئێستای هالاند له‌گه‌ڵ دۆرتمۆند له هاوینی ساڵی دووهه‌زاروبیستوچوار ته‌واوده‌بێت و له یه‌كێك له به‌نده‌كانی گرێبه‌سته‌كه‌ش هاتووه كه یاریزانه‌كه ده‌توانێت له هاوینی ئه‌مساڵ و به بڕی حه‌فتاوپێنج ملیۆن یۆرۆ ڕیزی تیپه‌كه‌ی به‌جێبهێلێت.
هه‌مان ڕۆژنامه ڕوونیشیكرده‌وه كه به‌رپرسانی مان سیتی له مانگی ڕابردووه‌وه له‌گه‌ڵ هالاندی ته‌مه‌ن بیستویه‌ك ساڵ له‌سه‌ر واژووكردنی گرێبه‌ستێك بۆ ماوه‌ی پێنج ساڵ ڕێككه‌وتوونه‌و پێشبینی ده‌كرێت مووچه‌ی هه‌فتانه‌ی ئه‌م ئه‌ستێره‌یه له ڕیزی یانه ئینگلیزیه‌كه پێنجسه‌د هه‌زار پاوه‌ندی ئیسته‌رلینی بێت.
کۆمێنت (0)
تا ئێستا هیچ کۆمێنتێک نەکراوە.