سبه‌ی یاریی كۆتایی جامی كوردستان به‌ڕێوه‌ ده‌چێت

سبەی چوارشەم کاتژمێر 3ی پاش نیوەڕۆ، یاریگه‌ی کۆیە دەبێتە شانۆی یاریی کۆتایی بۆ یاریزانانی هەردوو یانەی برایەتی و نەورۆز.

جامی هەرێمی کوردستان لە ماوەی 5 مانگی ڕابردوودا بە بەشداریی 41 یانەی کوردستان كه‌ 16 یانەی پلە نایاب، 19 یانەی پلە یەک، 6 یانه‌ی پلە دوو، به‌ڕێوه‌ چووبوون، یارییەکان بە سیستەمی دۆڕاوی تاک لە سەرانسەری کوردستان ئه‌نجامدرابوون.

بۆ یەکەمجار پاڵەوانییەتی جامی هەرێمی کوردستان بەو شێواز و بەشداریکردنەی یانەکان رێک بخرێ، ململانێ و رکابەری یانەکانیش لە پێناو ناسناوی جامەکەدا یارییەکانیان ئەنجام دا.

هەریەک لە یانەی برایەتی لە شاری هەولێر و یانەی نەورۆز لە شاری سلێمانی توانیان ببن بەکاراکتەری بەهێز و بگەن بەیاری کۆتایی پاڵه‌وانیه‌تییه‌كه‌.

لە دوا وێستگەدا سبه‌ی چوارشه‌م یاریگه‌ی شاری کۆیە دەبێتە شانۆی یاریی کۆتایی پاڵەوانیەتییەکە بۆ هەردوو یانە.