له گه‌ڕی سیی و شه‌شه‌می خولی ئیسپانیا، كاتژمێر ده‌و سیی خوله‌كی ئه‌مشه‌و به‌كاتی هه‌ولێر، یانه‌ی ریاڵ مه‌درید پاڵه‌وانی ئه‌م وه‌رزه‌ی خوله‌كه، میوانداری یانه‌ی لیڤانتی ده‌كات.
یانه‌ی شاهانه ئه‌گه‌رچی نازناوی خوله‌كه‌ی به‌ر له دوو گه‌ڕ به سوودی خۆی یه‌كلایی كرده‌وه، به‌ڵام له گه‌ڕی پێشوو له‌به‌رامبه‌ر یانه‌ی ئه‌تله‌تیكۆ مه‌درید دێربی مه‌دریدی به گۆلێكی بێ به‌رامبه‌ر به ڕۆخی بلانكۆس دۆڕاند، ریاڵ مه‌درید دوایین یه‌كه‌ی مه‌شق و ئاماده‌كاری بۆ یاری ئه‌مشه‌و سازكرد له‌پێناو ته‌واوكردنی كاروانی ئه‌م وه‌رزی خۆی به شێوه‌یه‌كی سه‌ركه‌وتوو.
كارلۆ ئه‌نچیلوتی ڕاهێنه‌ری ڕیال مه‌درید رایگه‌یاند، بیر له پاڵه‌وان بوون ناكه‌ینه‌وه، به‌ڵكو ئاماده‌كاری ته‌واومان كردووه بۆ بردنه‌وه‌ی یاریه‌كه، هه‌روه‌ها ئه‌نچیلۆتی گوتیشی، هه‌وڵ ده‌ده‌ین له رێگه‌ی ئه‌و یاریانه‌ی ماون ئاماده‌كاری بۆ یاری كۆتایی چامپیۆنز لیگ بكه‌ین.
له‌لالیگادا ئه‌مشه‌و ڕیاڵ مه‌درید میوانداری لیڤانتی ده‌كات
100%
کۆمێنت (0)
تا ئێستا هیچ کۆمێنتێک نەکراوە.