لیوا تەحسین خەفاجی، گوتەبێژی فەرماندەیی ئۆپەراسیۆنە هاوبەشەكانی عێراق، رایگەیاند لە میانی ئەو ئۆپەراسیۆنانەی كە لە سێ رۆژی رابردوودا بۆسەر پاشماوەكانی رێكخراوی تیرۆریستیی داعش لە پارێزگاكانی نەینەوا، كەركووك و ئەنبار ئەنجامدراون، 30 تیرۆریست كوژراون.
لیوا تەحسین خەفاجی لە لێدوانێكدا بۆ كەناڵی نیچمە فەرمی عێراقییە ئاشكرای كردووە لە میانی سێ رۆژی رابردوودا، زنجیرەیەك ئۆپەراسیۆنی وشكانی و ئاسمانیی بۆسەر پاشماوەكانی رێكخراوی تیرۆریستیی داعش لە پارێزگاكانی نەینەوا، كەركووك و ئەنبار ئەنجامدراون.
باسی لەوەش كردووە كە لە میانی ئۆپەراسیۆنەكاندا گورزی توند لە پاشماوەكانی رێكخراوی تیرۆریستیی داعش وەشێندراوە و گوتی: "لە میانی ئۆپەراسیۆنەكاندا، 30 تیرۆریست كوژراون".
لیوا تەحسین خەفاحی جەختی كردووەتەوە لەسەر ئەوەی كە هێزە ئەمنییەكانی عێراق بەردوامن لە ئەنجامدانی ئۆپەراسیۆن بە ئامانجی راوەدوونانی پاشماوەكانی رێكخراوی تیرۆریستیی داعش، هەروەها خاپووركردنی حەشارگەكانی رێكخراوەكە لە دۆڵ و ناوچە شاخاوییەكان.
لیوا تەحسین خەفاجی: لە میانی سێ رۆژدا 30 تیرۆریستی داعش كوژراون
100%
کۆمێنت (0)
تا ئێستا هیچ کۆمێنتێک نەکراوە.