جێگری وەزیری دەرەوەی رووسیا، سێرگی ریابکۆڤ رایگەیاند، بڕیاری فنله‌ندا و سوید بۆ چوونە ناو ناتۆ، ئاسایشی ئەو دوو وڵاتە بەهێز ناکات.
ریابکۆڤ بە میدیاکارانی راگەیاند، بڕیاری فنله‌ندا و سوید بۆ بوونە ئەندام لە ناتۆ ئاستی گشتیی گرژییە سەربازییەکان زیاد دەکات و ئەم دۆخەی هەیە هەڵەی ئەنجامە بەرفراوانەکانی ئیدارەی فینلاند و سویدە و ئاستی بڕیاردەرانی ئەو دوو وڵاتەی دەرخست.
جێگری وەزیری دەرەوەی رووسیا داکۆکی لەوە کرد کە دوای بڕیاری ئەو دوو وڵاتە بۆ بەشداریکردن لە ناتۆ رەوشی جیهان لە رەگوڕیشەوە دەگۆڕێت، گوتی: بەلای ئێمەوە لە ئەنجامی ئەم بڕیارەدا بەتەواوی دیارە کە ئەمنییەتی فنله‌ندا و سوید بەهێز نابێت.
ناوبراو ئاماژەی بەوە دا کە دوای گۆڕانکارییەکان لە پێکهاتەی گشتی ناتۆ، پرسی ئەوەی کە رووسیا چۆن چۆنی ئاسایشی خۆی بەتەواوی دەپارێزێت بابەتێکی جیاوازە، گوتی: بڕیاری رووسیا پەیوەستە بەوەی بەشداریکردنی ئەو دوو وڵاتە لە رێکخراوی پەیمانی باکووری ئەتڵەسی (NATO) چ جۆرە ئەنجامێکی کردەیی لێ دەکەوێتەوە.
کۆمێنت (0)
تا ئێستا هیچ کۆمێنتێک نەکراوە.