ئەمریكا چەكێكی تاقیكردەوە كە خێراییەكەی دەگاتە پێنج هێندەی خێرایی دەنگ

فەرماندەیی هێزەكانی ئاسمانیی ئەمریكا، تاقیكردنەوەی چەكێكی سەروودەنگ (Hypersonic speed) كە خێراییەكەی دەگاتە پێنج هێندەی خێرایی دەنگ راگەیاند.
لە راگەیەندراوێكدا كە لەلایەن هێزەكانی ئاسمانیی ئەمریكاوە بڵاوكراوەتەوە، هاتووە :فڕۆكەی Stratofortress جۆری B-52H سەربە هێزی ئاسمانیی ئەمریكا لە 14ی ئایاردا لە ئاسمانەوە بە سەركەوتوویی چەكی وەڵامدانەوەی خێرا AGM-183A (ARRW)ی لە كەناراوەكانی باشووری كالیفۆرنیا ئاراستە كرد.
لە راگەیەندراوەكەدا باس لەوە كراوە كە چەكەكە راستەوخۆ لە دوای جیابوونەوەی لە فڕۆكەكە كەوتووەتە كار و خێراییەكەی گەیشتووەتە خێرایی چاوەڕوان كراو كە پێنج هێندە خێرایی دەنگە و تاقیكردنەوەكە سەركەوتنێكی گەورەیە.
چەكەكە لەلایەن كۆمپانیای لۆكهید مارتن "Lockheed Martin"ەوە پەرەی پێ دراوە و بەخێرایی سەرووی ئاسایی ئامانجەكانی دەپێكێت.