پۆلیسی نه‌رویج ئاشكرای كرد، به‌یانی ئه‌مڕۆ هه‌ینی له ناوچه‌ی نۆمیدال له باشووری ڕۆژهه‌ڵاتی وڵات، كه‌سێك به چه‌قۆ هێرشی كردووه و به‌هۆیه‌وه 4 هاووڵاتی بریندار كردووه.
پۆلیس ئاماژه‌ی به‌وه‌دا كه هه‌ر چوار برینداره‌كه گه‌یه‌نراونه‌ته نه‌خۆشخانه، به‌ڵام باری ته‌ندروستی یه‌كێكیان خراپه.
گوته‌بێژی پۆلیسی نه‌رویج به ئاژانسی (ڕۆیته‌رز)ی ڕاگه‌یاند كه تاوانباره‌كه ده‌ستگیركراوه و دۆخه‌كه‌ش ئارامبووه‌ته‌وه. به‌ڵام هیچ زانیارییه‌كی له‌سه‌ر هۆكاری وه‌شاندنی چۆقۆ له‌لایه‌ن تاوانباره‌كه‌وه ئاشكرا نه‌كرد.
چه‌ند شایه‌تحاڵێك له نزیك شوێنی ڕووداوه‌كه جه‌ختیان كرده‌وه كه هێزێكی زۆری پۆلیس و ئه‌مبوڵانس له شوێنی ڕووداوه‌كه كۆبوونه‌ته‌وه و هه‌روه‌ها فڕۆكه‌ش له ئاسمانه‌وه چاودێری ناوچه‌كه‌ی كردووه.
کۆمێنت (0)
تا ئێستا هیچ کۆمێنتێک نەکراوە.