بە مەبەستی گرنگیدانی زیاتر بە پێشكەشكردنی پرۆژەی خزمەتگوزاری و باشتر ڕاییكردنی كاروباری هاووڵاتییان و دامودەزگەكانی شارەوانی لە سنوورەكە، مەسرور بارزانی، سەرۆكی حكوومەتی هەرێمی كوردستان، لەسەر میلاكی وەزارەتی شارەوانی و گەشتوگوزار، بڕیاریدا بە كردنەوەی بەڕێوەبەرایەتیی گشتیی شارەوانییەكانی ڕاپەڕین.
سنووری بەڕێوەبەرایەتیی گشتیی شارەوانییەكانی ڕاپەڕین، سنوورێكی فراوانە و كردنەوەی ئەو بەڕێوەبەرایەتییەش كاریگەری زۆر باشی لەسەر باشتر بەڕێوەچوونی كاروباری دامودەزگەكانی شارەوانی و پێشكەشكردنی خزمەتگوزارییە هەمەجۆرەكانی سنوورەكە دەبێت و ئاماژەی گرنگیدانی كابینەی نۆیەمی حكوومەتی هەرێمی كوردستان بە سنووری ڕاپەڕین.
ئەمەش لەكاتێكدایە لە چەند ڕۆژی ڕابردوودا مەسرور بارزانی سەرۆكی حكوومەتی هەرێمی كوردستان لەسەر میلاكی وەزارەتی شارەوانی و گەشتوگوزار فەرمانی دا بە كردنەوەی بەڕێوەبەرایەتیی گشتیی گەشتوگوزاری لە هەر یەكە لە ئیدارە سەربەخۆكانی سۆران و زاخۆ.
بە فەرمانی مەسرور بارزانی بەڕێوەبەرایەتیی گشتیی شارەوانییەكانی ڕاپەڕین دەكرێتەوە
100%
کۆمێنت (0)
تا ئێستا هیچ کۆمێنتێک نەکراوە.