سبەی پێنجشەممە 26-5-2022 لە ژێر ناوی "تیۆری سەربەخۆیی كوردستان لە ئەحمەدی خانییەوە بۆ ئیسماعیل بێشكچی" ئیدارەی سەربەخۆی سۆران بەهاوكاری زانكۆی سۆران مەڕاسیمێك بۆ نووسەر و بیرمەند و دۆستی كورد "ئیسماعیل بێشكچی" سازدەكات.
سەرەتای مەڕاسیمەكە، كە خودی ئیسماعیل بێشكەچی ئامادە دەبێت ،لە كاتژمێر 10:30 پەردە لادان لەسەر پەیكەری ئیسماعیل بێشكچی لە زانكۆی سۆران دەست پێ دەكات ، دواتر وتاری هەریەكە لە هەڵگورد شێخ نەجیب، سەرپەرشتیاری ئیدارەی سەربەخۆی سۆران و دكتۆر شێروان شەریف قورتاس سەرۆكی زانكۆی سۆران و ئیسماعیل بێشكچی دەخوێندرێنەو، دواتر پارچە هۆنراوەیەك لەلایەن موئەیەد تەیب بۆوەسفی ئیسماعیل بێشكچی پێشكەش دەكرێت.
لە كاتژمێر 4 ی ئێوارەلەناوچەی گەشتیاری شنگلبانە شەقامی بێشكچی دەكرێتەوە ئەمەش وەك رێزێك بۆ نووسەر و سیاسەتمەدارو دۆستی دێرینی كورد ئیسماعیل بێشكچی، ئەو شەقامەی بەناو دەكرێت.
لە كاتژمێر 7ی ئێوارە دانیشتنی دووەم هەرلە شنگلبانە لە ژێرناوی "پڕۆسەی تیۆریزەكردنی فیكری سەربەخۆیی كوردستان" بەڕێوەدەچێت و چەند بڕگەیەكی جیاواز لەخۆ دەگرێت .
ئا- كامران
لە سۆران مەڕاسیمێكی گەورەی رێزلێنان بۆ "ئیسماعیل بێشكچی" بەرێوە دەچێت
100%
کۆمێنت (0)
تا ئێستا هیچ کۆمێنتێک نەکراوە.