وەزارەتی كارەبا پێنج بڕیاری گرنگی دەركرد

ئەمرۆ چوارشەممە 25-5-2022كۆبوونەوەی بەرفراوانی ئەنجومەنی وەزارەتی كارەبا بە سەرپەرشتیی كەمال محەمەد ،ساڵح وەزیری كارەبا بەڕێوەچوو. 
لە كۆبوونەوەكەدا هەڵسەنگاندنی كار و پڕۆژەكانی كارەبا كرا و ئەم بڕیارانەی خوارەوە دران:
-بۆ بەرەنگاربوونەوە هەڵكشانی خواست لەسەر كارەبا لە گەرمای ئەم هاوینە، ژمارەیەك لە یەكەكانی نوێی بەرهەمهێنانی كارەبا بەگەڕ دەخرێن.
-كارەبای بەردەوام بۆ ناوەندەكانی تاقیكردنەوەی كۆتایی خولی (12) ئامادەیی دابین دەكرێت.
-راپۆرتی سێ ساڵی یەكەمی وەزارەتی كارەبا لە كابینەی نۆیەم ئامادە دەكرێت.
-قۆناخی یەكەمی پرۆژەی پێوەری زیرەك تەواو دەكرێت و كار بۆ زیادكردنی ژمارەی هاوبەشی نوێ لە پێوەری زیرەك دەكرێت. تا ئێستا (1,266,328) پێوەری زیرەك بەستراون.
-شێوازی  پری پەید (prepaid) بۆ پێدانی كارەبا بە بازاڕی لەنگەی هەولێر دەكرێتە ئەزموونێك بۆ پێدانی هاوشێوەی كارەبا بە شوێنەكانی دیكە. لە هەموو پارێزگاكان نموونەیەك بە هەمان شێوە جێبەجێ دەكرێت.