پارێزگارێ دهۆک ڕاگەهاند، ماوەیەکە چەکدارێن پ ک ک ب کارێن ئیستفزازی ل ناڤ هەرێما کوردستانێ ڕادبن و بزاڤا تێکدانا تەناهی و ڕەوشا ئاراما وێ دکەن، ڤێ بزاڤا نەکوردانەیا پ ک ک ب هەموو رەنگا پرۆتەستۆ و شەرمزار دکەین.
د. عەلی تەتەر پارێزگارێ دهۆکێ د ڕاگەهاندنەكێدا ئاماژە کر ڤێ بزاڤا نەکوردانەیا پ ک ک ب هەموو رەنگا پرۆتەستۆ و شەرمزار دکەین کو بزاڤێ دکەن شەرێ خۆ ڤەگوهێزنە ناڤ گوند و باژێرێن هەرێمێدا و بڤی رەنگی شکست و فەشەلا خۆیا لەشکری و سیاسی پەردەپوش بکەن.
ئەڤە ژی دەقێ وێ یە:
ئەڤرۆ ئێڤاری 26ی گولانا 2022 ژ ئەنجامێ هێرشەکا (پ ک ک) بۆ سەر جهێ سەیرانیا ل دەڤەرا بامەرنێ ل قەزا ئامێدیێ مخابن دوو زاروک شەهید و زاروکەک ژی بریندار بوو.
ماوەیەکە چەکدارێن پ ک ک ب کارێن ئیستفزازی ل ناڤ هەرێما کوردستانێ ڕادبن و بزاڤا تێکدانا تەناهی و ڕەوشا ئاراما وێ دکەن. ل ڤان چەند رۆژێن دەربازبوویی (پ ک ک) ئەڤە چەندین بزاڤ و کریارێن تێکدەرانە ل هەرێما کوردستانێ ئەنجام دان وەکو هێرشکرن بۆ سەر ویستگەهێن میدیای و جهێن سیڤیل و خالێن پێشمەرگەی و دامودەزگەهێن مەدەنی و خزمەتگوزاریێن هەرێما کوردستانێ.
ڤێ بزاڤا نەکوردانەیا پ ک ک ب هەموو رەنگا پرۆتەستۆ و شەرمزار دکەین کو بزاڤێ دکەن شەرێ خۆ ڤەگوهێزنە ناڤ گوند و باژێرێن هەرێمێدا و بڤی رەنگی شکست و فەشەلا خۆیا لەشکری و سیاسی پەردەپوش بکەن.
ژ ئەنجامێ زورداریا (پ ک ک) و سیاسەتا چەوتا وێ نێزیکی ۳۳٠ گوندێن پارێزگەها دهۆکێ هاتینە چۆلکرن و خەلکێ ڤان گوندان ئەڤە پتری ۳٠ سالانە ژ گوندێن خۆ بێ بەهربووینە و قوربانیێن ئەڤرۆ ژی ژ وان گوندانە کو ژ ئەنجامێ سیاسەتا (پ ک ک ) ئەڤە پتری ۳٠ سالانە یێ چولکریە.
د. عەلی تەتەر
پارێزگارێ پارێزگەها دهۆک
کۆمێنت (0)
تا ئێستا هیچ کۆمێنتێک نەکراوە.