به‌ڕێوه‌به‌رێكی فڕۆكه‌خانه‌ی عێراق به‌هۆی گه‌نده‌ڵی و دزی ده‌ستگیركرا

دادگه‌ی تاوانه‌كانی شاری نه‌جه‌ف ئه‌مڕۆ هه‌ینی به‌ تۆمه‌تی تێوه‌گلانی له‌ گه‌نده‌ڵی و دزی بڕیاری ده‌ستگیركردنی بۆ به‌ڕێوه‌به‌ری دارایی فڕۆكه‌خانه‌یه‌كی عێراق ده‌ركرد.

دادگاكه‌ ئه‌مڕۆ هه‌ینی چه‌ند كه‌یسێكی یه‌كلایی كرده‌وه‌، یه‌كێك له‌ كه‌یسه‌كان ئه‌و به‌ڕێوه‌به‌ره‌ بووه‌.

دادگه‌ی تاوانه‌كانی شاری نه‌جه‌ف بڕیاری دا بۆ ماوه‌ی ساڵێكی ته‌واو به‌ڕێوه‌به‌ری دارایی فڕۆكه‌خانه‌ی شاری نه‌جه‌ف ده‌ستگیر بكرێت.

هۆكاری ده‌ستگیركردنی به‌ڕێوه‌به‌ره‌ داراییه‌كه‌ی فڕۆكه‌خانه‌ی شاری نه‌جه‌ف به‌هۆی تێوه‌گلانی له‌ گه‌نده‌ڵی و خه‌رجكردن و دزینی ملیۆنێك دۆلار هه‌بووه‌ به‌بێ ئه‌وه‌ی فه‌رمانی خه‌رجكردنی هه‌بووبێت.