ساڵانە لەگەڵ هاتنی وەرزی گەرما سکچوون و ڕشانەوە لەناو منداڵان زیاد دەکات، ئەویش بەهۆی کاریگەری بەرزی پلەی گەرما، ئێستاش سکچوون و ڕشانەوە بەشێوەیەکی بەربڵاو لەناو منداڵان زیادی کردووە.
د. پشدەر عهبدوڵڵا - پزیشکی پسپۆڕی نەخۆشیەکانی منداڵان و گەشەی منداڵ ڕوونکردنەوەی زیاتری لەمبارەیەوە دا و ڕایگەیاند: هۆکارەکانی سکچوون و ڕشانەوە زۆرن کەواتە لەخۆتەوە چارەسەر بەکارمەهێنە، چونکە چارەسەرەکانیشیان جیاوازن.
د. پشدەر ئاماژەی بەوە دا کە لەوانەیە هۆکارەکەی ڤایرۆس، بەکتریا، پاڕاسایت، خواردنی شیرینی، هەستیاری بە پڕۆتین، نەخۆشی گەنم و جۆ، ژەهراویبوون یان هەستیاری بە جۆرە خواردنێک و کۆڕۆنا و چەندین هۆکاری تر بێت.
ئەو دکتۆرە ژمارەیەک هەنگاو بۆ ڕێگەگرتن لە تووشبوون بە سکچوون و ڕشانەوە دەخاتەڕوو کە ئەمانەن:-
1-هەموو ئاوێک بکوڵێنە و ساردی بکەرەوە، ئینجا بۆ خواردنەوە بەکاری بهێنە.
2-خواردن لەناو سەلاجە هەڵبگرە.
3-سەوزە و میوە پێش خواردنی جوان بشۆرەوە.
4-زوو زوو دەستی منداڵەکەت بشۆ، بەتایبەت دوای تەوالێتکردن.
5-پاک و خاوێنی تەوالێت و حەمام زۆر گرنگە.
کۆمێنت (0)
تا ئێستا هیچ کۆمێنتێک نەکراوە.