پرسەنامەی سەرۆکی حکوومەتی هەرێمی کوردستان بۆ کۆچی دوایی مام گوڵەباخ 

سه‌رۆكی حكوومه‌تی هه‌رێمی كوردستان ئه‌مڕۆ یه‌كشه‌م په‌یامێكی سه‌ره‌خۆشی به‌بۆنه‌ی كۆچی دوایی ڕەفیق عارف ناسراو بە ( مام پورزا گوڵەباخ) بڵاو كرده‌وه‌.

مه‌سرور بارزانی سه‌رۆكی حكوومه‌تی هه‌رێمی كوردستان له‌ په‌یامه‌كه‌دا پرسه‌ و سه‌ره‌خۆشی له‌ بنه‌ماڵه‌ و كه‌سوكار و هه‌ڤاڵانی پێشمه‌رگه‌ی هه‌ردوو شۆڕشی ئه‌یلوول و گوڵان و كه‌سایه‌تیی دیاری ده‌ڤه‌ری كۆیه‌ و كوردستان و هه‌ڵگری مێدالی بارزانی نه‌مر، خوالێخۆشبوو مام پورزا گوڵەباخ كرد.

سه‌رۆكی حكوومه‌تی هه‌رێمی كوردستان له‌ په‌یامه‌كه‌دا ڕاشیگه‌یاند كه‌ هاوبه‌شی خه‌میانم، هیواشی خواست خوای مه‌زن گیانی به‌ به‌هه‌شت شاد بكات و سه‌بر و ئارامیش به‌ هه‌مووان ببه‌خشێت.

ده‌قی ‌ پرسەنامەكه‌ی سەرۆکی حکوومەت بۆ کۆچی دوایی مام گوڵەباخ:-

پرسە و سەرەخۆشی لە بنەماڵە و کەسوکار و هەڤاڵانی پێشمەرگەی هەردوو شۆڕشی ئەیلوول و گوڵان و کەسایەتیی دیاری دەڤەری کۆیە و کوردستان و ھەڵگری مێدالی بارزانیی نەمر، خوالێخۆشبوو ڕەفیق عارف ناسراو بە ( مام پورزا گوڵەباخ) دەکەم و هاوبەشی خەمیانم . خوای مەزن گیانی بە بەهەشت شاد بکات و سەبر و ئارامییش بە هەمووان ببەخشێت.

مەسرور بارزانی

سەرۆکی حکوومەتی هەرێمی کوردستان