نێچيرڤان بارزانى سه‌رۆكى هه‌رێمى كوردستان له په‌يوه‌ندييه‌كى ته‌له‌فۆنيدا له‌گه‌ڵ ڕێبوار يه‌ڵدا ئه‌ندامى مه‌كته‌بى سياسيى پارتى ديموكراتى كوردستان، بۆ كۆچى دواييى خاتوو مارلین یەڵداى خوشكى خوالێخۆشبوويان، سه‌ره‌خۆشى له خۆى و خانه‌واده به‌ڕێزه‌كه‌يان كرد.
سه‌رۆكى هه‌رێمى كوردستان هاوخه‌مى له‌گه‌ڵ خانه‌واده‌ى خوالێخۆشبوو ده‌ربڕى و هيواى خواست خواى مه‌زن گيانى به به‌زه‌يى و ميهره‌بانيى خۆى شاد بكات، ئارامى و دڵنه‌واييش به خانه‌واده و كه‌سوكارى ببه‌خشێت.
لاى خۆيه‌وه ڕێبوار يه‌ڵدا بۆ په‌يوه‌ندى و هاوخه‌ميى نێچيرڤان بارزانى سوپاس و پێزانينى خۆى و خانه‌واده‌يانى بۆ به‌ڕێزيان ده‌ربڕى.
کۆمێنت (0)
تا ئێستا هیچ کۆمێنتێک نەکراوە.