رێكخراوی هه‌نگاو بۆ مافه‌كانی مرۆڤ رایگه‌یاند: لانی کەم 22 کۆڵبەر و کاسبکار لە سنوورەکانی کوردستانی ئێران کوژراون و یان بریندار بوون. ئەم ڕێژەیە بە بەراورد لەگەڵ مانگی ڕابردوو 23 حاڵەت واتە 104.5% کەمی کردووە.
بە پشتبەستن بە ئاماری تۆمارکراو لە ناوەندی ئامار و بەڵگەنامەکانی ڕێکخراوی مافی مرۆڤی هەنگاو، لە ماوەی مانگی پێنجی رابردوودا ، لانی کەم 22 کۆڵبەر لە سنوورەکانی کوردستان یان کوژراون، یان بریندار کراون کە 82%ی ئەو حاڵەتانە بە تەقەی ڕاستەوخۆی هێزە چەکدارەکانی ئێران بووە.
بە پێی ئەم ڕاپۆرتە، لەو ماوەیەدا کۆڵبەرێک کوژراوە و 22 کۆڵبەر و کاسبکاریش بریندار بوون.
زیاترین ژمارەی کوژران و بریندار لە پارێزگاکانی کرماشان تۆمار کراوە کە 11 حاڵەت بووە. کۆڵبەرێک لە سنووری بانە بریندار کراوە کە لاوێك بووه تەمەنی 17 ساڵ بووە.
چۆنیەتی کوژران یان بریندار بوونیان:
تەقەی ڕاستەوخۆ: 18 حاڵەت (1 کوژراو و 17 بریندار) کە دەکاتە 82% ی کۆی حاڵەتەکان.
ڕووداوی سروشتی:2 حاڵەت (2 بریندار) کە دەکاتە 9%ی کۆی حاڵەتەکان.
لێدان بە قونداخی چەک و باتۆم: 2 حاڵەت (2بریندار) کە دەکاتە 9%ی کۆی حاڵەتەکان.
جیاکردنەوە بە پێی پارێزگاکان:
پارێزگای ئورمیە: 1 حاڵەت (1 بریندار)
پارێزگای سنە: 10حاڵەت (1 کوژراون و 9 بریندار)
پارێزگای کرماشان: 11 حاڵەت (11 بریندار)
ئەو هێزەی کە تەقەی کردووە:
پاسه‌وانی سنوور: 19 حاڵەت (1 کوژراو و 18 بریندار)
سوپای پاسداران: 1 حاڵەت (1 بریندار)
کۆمێنت (0)
تا ئێستا هیچ کۆمێنتێک نەکراوە.