سامان بەرزنجی، وەزیری تەندروستیی هەرێمی كوردستان، رایگەیاند كە بەردەوامن لە دۆزینەوەی حاڵەتەكانی پەتای خوێنبەربوون و ئەوەیشی خستووەتەڕوو كە تا ئێستا تەنها دووحاڵەتی پشتڕاستكراوە لە هەرێمی كوردستان تۆماركراوە.
سامان بەرزنجی لە هەژماری خۆی لەتۆڕی كۆمەڵایەتیی فەیسبووك بڵاوی كردەوە بەردەوامین لە ئامادەباشی و دۆزینەوەی حاڵەتەكانی پەتای خوێنبەربوون و گومانلێكراوان، تەنها دوو حاڵەتی پشتڕاستكراوە لە هەرێمی كوردستان تۆماركراوە، خۆشبەختانە دوای مانەوەیان لە نەخۆشخانە و وەرگرتنی تەواوی چارەسەری گەڕانەوە ماڵەوە.
رۆژی 10ی ئایاری ئەمساڵ، بەڕێوەبەرایەتی گشتیی تەندروستیی هەولێر، یەكەم حاڵەتی تووشبوون بە پەتای تای خوێنبەربوون لە پارێزگای هەولێر راگەیاند و دوای ئەویش لە 18ی هەمان مانگ، بەڕێوەبەرایەتی گشتیی تەندروستیی پارێزگای دهۆك، تۆماركردنی حاڵەتێكی تووشبوون بە پەتای خوێنبەربوونی راگەیاند.
وەزیری تەندروستیی : دوو حاڵەتە تۆماركراوەكە بە تای خوێنبەربوون نەخۆشخانەیان بەجێهێشت
100%
کۆمێنت (0)
تا ئێستا هیچ کۆمێنتێک نەکراوە.