سەرۆکی هەرێمی کوردستان ئهمڕۆ چوارشهممه 2022/06/01 بە بۆنەی 47 ساڵەی دامەزراندنی یەکێتی نیشتمانی کوردستان پیرۆزبایی ئاراستەی سەرکردایەتی و ئەندامان و جەماوەری یەکێتی کرد.
سەرۆکایەتی هەرێمی کوردستان بڵاوی کردەوە کە " نێچيرڤان بارزانى سهرۆكى ههرێمى كوردستان له پهيوهندييهكى تهلهفۆنيدا لهگهڵ بافڵ جهلال تاڵهبانى، سهرۆكى يهكێتيى نيشتمانيى كوردستان، له يادى 47 ساڵهى دامهزراندنى يهكێتيى نيشتمانيى كوردستاندا، پيرۆزبايى له باڤڵ تاڵەبانی و له سهركردايهتى و ئهندامان و جهماوهرى يهكێتى كرد."
ئەوەشی خستەڕوو کە "نێچيرڤان بارزانى وێڕاى ئاماژهدان به ڕۆڵى كاريگهرى يهكێتيى نيشتمانيى كوردستان و سهرۆك مام جهلال له بزاڤى ڕزگاريخوازيى كوردستاندا، ههموو ئهو تێكۆشهر و پێشمهرگه قارهمانانهى به بير هێنايهوه كه لهپێناو ئازاديى كوردستان و له ڕێزهكانى يهكێتيدا، خهباتيان كردووه و قوربانييان داوه. "
ئاماژەی بەوەش دا کە "ههر لهم يادهدا نێچيرڤان بارزانى جهختى له پێويستيى كارى هاوبهش و پێكهوهيى و تهبايى و يهكڕيزيى نێوان تهواوى لايهنه كوردستانييهكان كردهوه لهپێناو پاراستنى فيدرالى و قهوارهى سياسيى ههرێمى كوردستان و مافه دهستوورييهكانى گهلى كوردستاندا. ههر لهمبارهيهوه ڕۆڵى يهكێتيى نيشتمانيى كوردستانى به گرنگ و كاريگهر له قهڵهم دا."
ئەوەش هاتووە کە "لاى خۆيهوه بافڵ جهلال تاڵهبانى سهرۆكى يهكێتيى نيشتمانيى كوردستان، سوپاس و پێزانينى خۆى و يهكێتيى نيشتمانيى كوردستانى بۆ پيرۆزبايى و پهيوهنديى سەرۆکی هەرێم دهربڕى و ههوڵهكانى نێچيرڤان بارزانى لهپێناو يهكڕيزى و كۆكردنهوهى لايهنه سياسييهكاندا، بهرز نرخاند."
کۆمێنت (0)
تا ئێستا هیچ کۆمێنتێک نەکراوە.