دژە تیرۆری عێراق : لەسەرەتای ئەمساڵەوە تا ئێستا 24 تیرۆریستی داعشمان كوشتووە

دەزگای دژەتیرۆری عێراق رایگەیاند كە لەسەرەتای ئەمساڵەوە تا ئێستا، 24 تیرۆریستی داعش كوژراون و 71ی دیكەیش دەستگیركراون.
دەزگای دژەتیرۆری عێراق لە راگەیەندراوێكدا، ئاماری ئەو ئۆپەراسیۆنانەی كە هێزەكانی دژەتیرۆر لەسەرەتای ئەمساڵەوە تا ئێستا دژبە رێكخراوی تیرۆریستیی داعش ئەنجامیانداوە بڵاوكردەوە.
بەپێی راگەیەندراوەكە كە هێزەكانی دژەتیرۆر لە یەكی مانگی كانوونی دووەمی ئەمساڵەوە تا ئێستا، 140 ئۆپەراسیۆنیان لە ژمارەیەك ناوچەی عێراق، بۆ سەر پاشماوەكانی رێكخراوی تیرۆریستیی داعش ئەنجامداوە.
ئاماژە بەوەیش دراوە كە لە میانی ئۆپەراسیۆنەكاندا، 24 تیرۆریستی داعش كوژراون و 71ی دیكەیش برینداربوون.