بەنوێنەرایەتى سەرۆکى حکومەت پارێزگاری هەولێر سەردانی نووسەر و وەرگێڕی نێوداری کورد "عەزیز گەردی" کرد

ئەمڕۆ شەممە 2022.6.4، بەنوێنەرایەتى ڕێزدار مەسرور بارزانى، سەرۆکى حکومەتى هەرێمى کوردستان، ئومێد خۆشناو، پارێزگاری هەولێر، بەیاوەرى د. دلۆڤان محەمەد، بەڕێوەبەرى گشتیى تەندروستى هەولێر، بەمەبەستی هەواڵپرسین و لە نزیکەوە ئاگاداربوون لە ڕەوشى تەندروستی لە نەخۆشخانە، سەردانی نووسەر و وەرگێڕی نێوداری کورد "عەزیز گەردی" کرد.
پارێزگارى هەولێڕ لەسەردانەکەیاندا، وێڕای گەیاندنى پەیام و سڵاوى ڕێزدار سەرۆکى حکومەتى هەرێمى کوردستان بۆ نووسەر و وەرگێڕی نێوداری کورد، مامۆستا "عـەزیز گـەردی"، لەنزیکەوە لەچۆنیەتى ڕیڕەوى چارەسەرییە پزیشکیەکانى کۆڵییەوەو لەدۆخی تەندروستیی پرسی و هیوای زوو چاکبوونەوە و سـەلامەتی و تـەنـدروستەکی باشى بۆ خواست، هەروەها ئامادەیی هەموو هاوکاری و ئاسانکارییەکی بۆ چارەسەرکردنی نیشاندا و بەڕێوەبەر و پزیشکانی نەخۆشخانەکەشی ڕاسپارد هەرچی پێویستە بۆ چارەسەرکردنى ئەنجامیبدەن.
جێگەی باسە، چەند ڕۆژێکە نووسەر و وەرگێڕی نێوداری کورد "عەزیز گەردی" باری تەندروستی ناجێگیرە.