كۆریای باكوور هەشت مووشەكی بالیستیكی كورتمەودای تاقیكردەوە

سەرۆكایەتی ئەركانی سوپای كۆریای باشوور رایگەیاند، كۆریای باكوور هەشت مووشەكی بالیستیكی كورتمەودای تاقی كردووەتەوە.
سەرۆكایەتی ئەركانی سوپای كۆریای باشوور لە راگەیەندراوێكدا تیشكی خستووەتە سەر ئەوەی كاتژمێر 09:08-09:43 بە كاتی خۆجێی لە چەند شوێنێكی نزیك پیۆنگیانگەوە، هەشت مووشەكی كورتمەودا تاقی كراونەتەوە. دواتر لەناكاو كۆبوونەوەی لووتكەی ئاسایشی نیشتمانی لەلایەن حكوومەتی سیئۆلەوە ئەنجام دراوە.
سەرۆكوەزیرانی ژاپۆن، كیشیدا فومیۆ رایگەیاند لەبارەی مووشەكەكانەوە كە لە دەرەوەی ناوچەی تەرخانكراوی نیشتمانی ژاپۆن كەوتوونەتەوە تێبنی داوەتە حكوومەتی پیۆنگیانگ. 
كیشیدا ئاماژەی بەوەیش داوە كە وڵاتەكەی چاو ناپۆشێت لەو تاقیكردنەوانە كە هەڕەشەن بۆ سەر ئاسایش و سەقامگیری. 
لەگەڵ ئەم تاقیكردنەوانەی ئەم دواییەدا كۆریای باكوور لە سەرەتای 2022ەوە تاكوو ئێستا 17 جار تاقیكردنەوەی مووشەكی ئەنجام داوە.