لەبۆردومانێكی فڕۆكە جەنگییەكانی عێراق چوار تیرۆریستی داعش كوژران

شانەی راگەیاندنی ئەمنی سەربە نووسینگەی سەرۆكوەزیرانی عێراق، كوژرانی چوار تیرۆریستی داعشی لە پارێزگای ئەنبار رۆژئاوای ئەو وڵاتە راگەیاند.
شانەی راگەیاندنی ئەمنی بڵاوی كردەوە كە پشتبەستن بە زانیارییە هەواڵگرییەكان، فڕۆكە جەنگییەكانی (F-16)ی عێراق بارهەڵگرێكی تیرۆریستانی داعشیان لە دۆڵی قەزەف باشووری رۆژئاوای پارێزگای ئەنبار بۆردومان كردووە.
باسی لەوەش كردووە كە لە ئاكامی بۆردومانەكەدا، سێ تیرۆریستی داعش كوژراون.
ئاماژەی بەوەیش داوە كە لە كاتی بۆردومانەكەدا، قەناسبەدەستێكی داعش تەقەی لە هێزە ئەمنییەكان كردووە دواتر لەلایەن هێزە ئەمنییەكانەوە بەرپەرچدراوەتەوە و كوژراوە.