بەڕێوەبەری گشتیی بازرگانی ئەمڕۆ یەکشەممە 05ـی 06ـی 2022 ڕایگەیاند، چەکی پارە بە بڕی 2 ملیار دینار پارەی گەنمی وەرگیراو بۆ ساڵی 2022 هاتووەتە سەر هەژماری وەزارەتی بازرگانی و پیشەسازی، جەختیشی کردەوە کە لەزووترین کات دابەش دەکرێت.
نەوزاد شێخ کامل بەرێوەبەری گشتی بازرگانی ڕایگەیاند: پڕۆسەی وەرگرتنی گەنم لە سەرجەم سایلۆکانی هەرێمی کوردستان بەردەوامە و تاوەکو ئێستا بڕی 25 ھەزار و 653 سێ تەن 420 کیلۆ گەنمی جوتیاران وەرگیراوە.
ڕاشیگەیاند: هاوکات چەکی پارە بە بڕی 2 ملیار دینار پارەی گەنمی وەرگیراو بۆ ساڵی 2022 ھاتووەتە سەر هەژماری وەزارەتی بازرگانی و پیشەسازی هەرێمی کوردستان و لە نزیکترین کات دەست بە دابەشکردنی دەکرێت.
ئەوەشی خستەڕوو کە ملیارێک بۆ پارێزگای سلێمانی، 500 ملیۆن دیناریش بۆ پارێزگای ھەولێر و 500 ملیۆن دیناریش بۆ پارێزگای دھۆک تەرخان کراوە.
ئەو بەڕێوەبەرەی بازرگانی ئاماژەی بەوەش داوە کە بڕیارە لە ڕۆژانی داهاتوو بڕێکی دیکەی بخرێتە سەر هەژماری وەزارەتی بازرگانی و پیشەسازی هەرێمی کوردستان.
کۆمێنت (0)
تا ئێستا هیچ کۆمێنتێک نەکراوە.