لەسەر ئەرکی سەرۆکی حکوومەتی هەرێمی کوردستان، چارەسەری پزیشکی بۆ هەریەک لە نووسەر و وەرگێڕی دیاری کورد "عەزیز گەردی" و هونەرمەندی دیاری شاری هەولێر "محمەد ئەحمەد ئەربیلی" دەکرێت.
دوای ئەوەی ئومێد خۆشناو پارێزگاری هەولێر بە نوێنەرایەتى مەسرور بارزانى سەرۆکى حکوومەتى هەرێمى کوردستان سەردانی هەریەک لە نووسەر و وەرگێڕی دیاری کورد "عەزیز گەردی" و هونەرمەندی دیاری شاری هەولێر "محمەد ئەحمەد ئەربیلی"کرد و لە نزیکەوە لە چۆنیەتى ڕیڕەوى چارەسەرییە پزیشکییەکانى کۆڵییەوە و بەڕێوەبەر و پزیشکانی ڕاسپارد هەرچی پێویستە بۆ چارەسەرکردنیان ئەنجامبدرێت.
مەسرور بارزانی سەرۆکی حکوومەتی هەرێمی کوردستان تەواوی خەرجی و پێداویستی تەندروستی و چارەسەرییە پزیشکییەکانی هەریەک لە نووسەر و وەرگێڕی دیاری کورد "عەزیز گەردی" و هونەرمەندی دیاری شاری هەولێر "محمەد ئەحمەد ئەربیلی" گرتە ئەستۆ و لەسەر ئەرکی جەنابیان لە زووترین کاتدا چارەسەرییە پزیشکیەکانیان بۆ ئەنجام دەدرێت.
ماوەیەکە هەریەک لە نووسەر و وەرگێڕی دیاری کورد "عەزیز گەردی" و هونەرمەندی دیاری شاری هەولێر "محمەد ئەحمەد ئەربیلی"، ڕەوشی تەندروستیان ناجێگیرە.
کۆمێنت (0)
تا ئێستا هیچ کۆمێنتێک نەکراوە.