شانەی راگەیاندنی ئەمنی سەربە نووسینگەی سەرۆکوەزیرانی عێراق، دەستگیرکردنی 14 تیرۆریستی داعشی لە پارێزگای بەغدا راگەیاند.
شانەی راگەیاندنی ئەمنی بڵاوی کردەوە کە پشتبەستن بە زانیارییە ھەواڵگرییەکان، ھێزەکانی ئاژانسی ھەواڵگریی و لێکۆڵینەوەی فیدراڵیی سەربە وەزارەتی ناوخۆ، زنجیرەیەک ئۆپەراسیۆنیان بۆسەر پاشماوەکانی رێکخراوی تیرۆریستی داعش لە ناوچەکانی تاجی، شەعب، ھۆر رەجەب، کەسیبە، عەریفییە، پردی دیالە، ئەبو غرێب، غەزالییە و دۆرە سەربە پارێزگای بەغدا ئەنجامداوە.
راشیگەیاندووە کە لە ئەنجامی ئۆپەراسیۆنەکاندا، 14 تیرۆریستی داعش دەستگیرکراون.
ئەوەیش خستووەتەڕوو کە لەنێو دەستگیرکراوەکاندا، سێ سەرکردەی رێکخراوی تیرۆریستی داعش بەناوەکانی ئەبو سەفانە، ئەبو عومەر و ئەبو موسعەب ھەن.
کۆمێنت (0)
تا ئێستا هیچ کۆمێنتێک نەکراوە.