بهیانیى ئهمڕۆ دووشهممه 2022/6/6 نێچیرڤان بارزانى، سهرۆكى ههرێمى كوردستان، پێشوازى له ڕادو دۆبرێ باڵیۆزى تازهى ڕۆمانیا له عێراق كرد.
له دیدارێكدا نێچیرڤان بارزانى وێڕاى پیرۆزبایى بۆ دهستبهكاربوونى، هیواى سهركهوتنى بۆ خواست و ههموو پشتگیرى و هاریكارییهكى بۆ سهرخستنى ئهركهكهى نیشان دا، ههروهها سوپاس و پێزانینى ههرێمى كوردستانى بۆ پشتگیرى و هاریكارییهكانى ڕۆمانیا له عیراق و ههرێمى كوردستان وهك ئهندامێكى هاوپهیمانیى نێودهوڵهتیى دژى داعش، دووپات كردهوه.
لاى خۆیهوه باڵیۆزى تازهى ڕۆمانیا له عێراق، خۆشحاڵیى خۆى به دهستبهكاربوونى دهربڕى و خواستى وڵاتهكهى بۆ برهودان به پهیوهندییهكانى لهگهڵ عیراق و ههرێمى كوردستان و فراوانكردنى هاریكاریی هاوبهش نیشان دا بهتایبهتى له بوارهكانى ئابوورى، بازرگانى، وزه، كشتوكاڵ، بانكدارى، كولتوورى و خوێندنى زانكۆییدا.
ههردوولا وهبهرهێنان و دهرفهتى كاریان بۆ كۆمپانیا ڕۆمانییهكان له عێراق و ههرێمى كوردستان تاوتوێ كرد و باڵیۆزى ڕۆمانیا باسى له خواستى وڵاتهكهى بۆ كاراكردنهوهى لیژنهى باڵاى هاوبهشى ئابوورى و بازرگانیى نێوان ڕۆمانیا و عێراق كرد. لهمبارهیهوه نێچیرڤان بارزانى به پێویستى زانى ههرێمى كوردستانیش لهو لیژنهیهدا بهشدار بێت بۆ ئهوهى بتوانێت بهپێى ئهو دهرفهرت و بوارانهى كه ههن، سوودمهند بێت.
دۆخى سیاسیى عێراق، پهیوهندییهكانى ههولێر ـ بهغدا، پرسى ئاواره و پهنابهران له ڕۆمانیا و ههرێمى كوردستان، دۆخى ناوچهكه بهگشتى و پێشهاتهكانى شهڕ له ئۆكراینا و لێكهوتهكانى، چهند تهورێكى دیكهى دیدارهكه بوون كه بهڕێز بهرپرسى نووسینگهى ههولێرى باڵێۆزخانهى ڕۆمانیا، ئامادهى بوو.
کۆمێنت (0)
تا ئێستا هیچ کۆمێنتێک نەکراوە.