شکاندنی ریکۆردی خێرایی ئینتەرنێت لە ژاپۆن.. تەنیا لە دوو چرکەدا هەزار فیلم داونلۆد بکە

پەیمانگای نیشتمانیی تەکنەلۆجیای زانیاری و پەیوەندییەکانی ژاپۆن رایگەیاند، بۆ یەکەمجارە لە جیهاندا ژمارەیەکی پێوانەیی نوێ لە خێرایی ئینتەرنێت بۆ گواستنەوەی زانیارییەکان تۆمار دەکات.
 پەیمانگاکە ئاشکرای کرد، بە سوودوەرگرتن لە تەکنەلۆژیا سەرهەڵداوەکان(Emerging technologies)و فایبەر ئۆپتیک، توانیی خێرایی 1.02 پێتابایت لە چرکەیەکدا تۆمار بکات. هەر پێتابایتێک یەکسانە بە یەک ملیۆن گێگابایت.
 بە ئینتەرنێتێکی لەو جۆرەش دەتوانیت لە ماوەی تەنها دوو چرکەدا هەزار فیلمی 4K داونلۆد بکرێت و ئەم خێراییەش بەسە بۆ پاراستنی زیاتر لە 10 ملیۆن کەناڵ بە روونی 8K.