ساسان عەونی، وەزیری شارەوانی و گەشتوگوزار ڕەزامەندی دا لەسەر تەرخانكردنی گوژمەی یەك ملیار و 670 ملیۆن و 210 هەزار دینار بۆ جێبەجێكردنی 14 پرۆژەی خزمەتگوزاری لە شاری هەولێر.
گوژمەكە لەسەر ڕێژەی 15%ی داهاتی سەرۆكایەتیی شارەوانیی هەولێرە و بە گوێرەی پلانی ساڵی 2022 بە مەبەستی جێبەجێكردنی 14 پرۆژەی خزمەتگوزاری لە سنووری سەرۆكایەتیی شارەوانیی هەولێر خەرج دەكرێت.
پرۆژەكان پێكهاتوون لە قیڕتاوكردن، كاشیكردنی كۆڵان، نۆژەنكردنەوەی شۆستە، قەشتەكردن و قیڕتاوكردنی شەقامی جووتساید، داڕشتنی كۆنكرێت بۆ شەقامەكان و ڕاخستنی چینی ستابلایزەر، كڕینی پێداویستی بۆ پارك و باخچەكانی شاری هەولێر لەگەڵ چەند بوارێكی دیكەی خزمەتگوزاری.
جێبەجێكردنی ئەو پرۆژانە كاریگەری زۆر باشیان لەسەر بەرزكردنەوەی ئاستی خزمەتگوزاری و پەرەپێدانی شاری هەولێر دەبێت، هەروەها ئێستا ژمارەیەك پرۆژەی دیكەش لە سەنتەری شاری هەولێردا لە قۆناغی جێبەجێكردندان.
زیاتر لە ملیارێك و 670 ملیۆن دینار بۆ 14 پرۆژەی خزمەتگوزاری لە شاری هەولێر خەرج كرا
100%
کۆمێنت (0)
تا ئێستا هیچ کۆمێنتێک نەکراوە.