ته‌قینه‌وه‌یه‌كی به‌هێز له كارگه‌یه‌كی پارێزگای فارس له باشووری ئێران ڕوویداوه به‌هۆیه‌وه 76 كه‌س ژه‌هراوی بوون.
ته‌قینه‌وه‌كه ئێواره‌ی ئه‌مڕۆ دووشه‌م له كارگه‌ی (فه‌یرۆز ئاباد) تایبه‌ت به كاربۆناتی سۆدیۆم ڕوویداوه و تێیدا به‌شێوه‌یه‌كی گشتی 81 كه‌س بریندار بوونه.
له‌نێو برینداره‌كان 5 كه‌س سووتاون و گه‌یه‌نراونه‌ته نه‌خۆشخانه، هه‌روه‌ها 76 كه‌سی تریش به‌هۆی هه‌ڵمژینی گازی كاربۆناتی سۆدیۆمه‌وه ژه‌هراوی بوون.
میدیاكانی ئێران ئاماژه‌یان به‌وه‌دا كه ناوچه‌یه‌كی فراوانی ده‌وروبه‌ری كارگه‌كه چۆڵكراوه به‌هۆی بڵاوبوونه‌وه‌ی گازی ژه‌هراوی و مه‌ترسی دروستبوونی له‌سه‌ر هاووڵاتییان.
تا ئێستاش هۆكار و سه‌رچاوه‌ی ته‌قینه‌وه‌كه ڕوون نییه و بۆ ئه‌م مه‌به‌سته‌ش پۆلیس ده‌ستی به لێكۆڵینه‌وه‌كان كردووه.
کۆمێنت (0)
تا ئێستا هیچ کۆمێنتێک نەکراوە.