هێزه ئه‌منییه‌كانی ئێران دوو هاووڵاتی كوردیان ده‌ستگیركرد .
رێكخراوی هه‌نگاو بۆ مافه‌كانی مرۆڤ بڵاویكرده‌وه، دوو هاووڵاتیی خەڵکی گوندی "سەلێن" سەر بە شاری سەوڵاوا بە ناوەکانی فەردین ئەدوایی و ئەکرەم ئەدوایی دوێنێ یه‌كشه‌ممه 19 ى 6 ى 2022، پاش بانگکران بۆ لقی جێبەجێکردنی سزاکانی دادگای شۆڕشی مەریوان دەستبەسەر و بە مەبەستی تێپەڕاندنی سزای بەندکران کە پێشتر بە سەریاندا سەپابوو، بۆ بەندیخانەی ناوەندیی ئەو شارە گوازرانەوە.
سەرەتای ئەمساڵ فەردین ئەدوایی و ئەکرەم ئەدوایی بە تۆمەتی هەوڵدان دژ بە ئاسایشی نەتەوەیی لە ڕێگای "ئەندامبوون لە پارتی ژیانی ئازادی کوردستان (پژاک) " لەلایەن دادگای شۆڕشی مەریوانەوە دادگایی کرابوون کە بە پێی سزاکە فەردین سزای 6 مانگ بەندکران و ئەکرەم سزای 5 مانگ بەندکرانی بە سەردا سەپابوو.
ئەم دوو هاووڵاتییە زستانی ساڵی 2021، هاوکات لەگەڵ شەپۆلێکی بەرفراوانی دەستبەسەرکرانی هاووڵاتییانی کورد دەستبەسەر کرابوون و دوای دوو مانگ بە دانانی بارمتە و بە شێوەی کاتی هەتا کۆتایی هاتنی دۆسیەکەیان لە دادگا ئازاد کرابوون.
کۆمێنت (0)
تا ئێستا هیچ کۆمێنتێک نەکراوە.